വാഷിംഗ്ടൺ ∙ അമേരിക്കൻ പ്രസിഡന്റ് ഡൊണാൾഡ് ട്രംപ് യു.എസ്. പ്രതിരോധ വകുപ്പ് (Department of Defence) ഇനി മുതൽ ‘വാർ ഡിപ്പാർട്ട്മെന്റ്’ (Department of War) എന്ന പേരിലാണ് അറിയപ്പെടുക എന്ന് പ്രഖ്യാപിച്ചതിന്റെ പശ്ചാത്തലത്തിൽ ശക്തമായ രാഷ്ട്രീയചർച്ചകൾ ഉയരുന്നു. സെപ്റ്റംബർ 5-ന് ട്രംപ് ഒപ്പിട്ട എക്സിക്യൂട്ടീവ് ഓർഡറിനെയാണ് ഈ വിവാദത്തിന് അടിസ്ഥാനം.
ഐതിഹാസികമായ പേരിലേക്കുള്ള ഈ തിരിച്ചുപോകൽ നിലവിൽ നിയമപരമായി “secondary title” എന്ന നിലയിലാണ്. അതായത്, ‘ഡിപ്പാർട്ട്മെന്റ് ഓഫ് ഡിഫൻസ്’ എന്നതിന്റെ ഔദ്യോഗികമായ പേരിനൊപ്പം, ‘വാർ ഡിപ്പാർട്ട്മെന്റ്’ എന്നും ഉപയോഗിക്കാം എന്നതാണ് ട്രംപ് ഉത്തരവിന്റെ സാരാംശം. ഒപ്പം, ‘സെക്രടറി ഓഫ് വാർ’ എന്ന പദം ചില ഔദ്യോഗിക സാഹചര്യങ്ങളിൽ ഉപയോഗിക്കാനും അനുമതി നൽകിയിട്ടുണ്ട്.
എങ്കിലും, 1949-ലെ ഫെഡറൽ നിയമം പ്രകാരം ‘Department of Defense’ എന്നതാണ് ഇപ്പോഴും ഔദ്യോഗിക നിയമപരമായ പേര്. അതിനാൽ ഈ മാറ്റം സ്ഥിരമാക്കാൻ കോൺഗ്രസ് അംഗീകാരം അനിവാര്യമാണ്.
“പേര് മാത്രം മാറുന്നില്ല, കാഴ്ചപാട് കൂടി മാറ്റൂകയാണ്” – ട്രംപ്
ട്രംപ് ഈ തീരുമാനം പ്രസ്താവിച്ചുകൊണ്ട് പറഞ്ഞു:
“ഫസ്റ്റ് വേൾഡ് വാർ, സെക്കന്റ് വേൾഡ് വാർ – ഇങ്ങനെ എല്ലാ യുദ്ധവുമായും വിജയകരമായി മുന്നേറിയത് ‘വാർ ഡിപ്പാർട്ട്മെന്റ്’ എന്ന തലക്കെട്ടിൽ പ്രവർത്തിച്ച യുഎസാണ്. പിന്നീട് നമ്മൾ ‘ഡിഫൻസീവ്’ ആകുകയായിരുന്നു. അതിന്റെ പേരിലായിരുന്നു ഈ മാറ്റം. ഇപ്പോൾ അതിനെ തിരുത്തുകയാണ്.”
ഭരണകൂട വക്താക്കൾ പറയുന്നത്, ഈ പുനർനാമകരണം സൈനികരിൽ ആത്മവിശ്വാസം വർധിപ്പിക്കാനും, പ്രതിരോധതന്ത്രങ്ങളിൽ നിന്ന് അതിർത്തികൾക്ക് അകത്തുള്ള ‘ആക്രമണപരമായ’ സമീപനങ്ങളിലേക്കുള്ള മാറ്റം പ്രതിനിധീകരിക്കാനുമാണ്. നിലവിലുള്ള വകുപ്പിന് “മാത്രം പ്രതിരോധം” എന്നതാണ് ഫോകസ് എന്നതാണ് അവരുടെ വിമർശനം.
രാഷ്ട്രീയ ലക്ഷ്യങ്ങൾ:
നിയമ വിദഗ്ധർ അഭിപ്രായപ്പെടുന്നത്, ഈ തീരുമാനം നിയമമാകുവാൻ കോൺഗ്രസ് അംഗീകാരം അനിവാര്യമാണ്. ട്രംപിന്റെ ഉത്തരവ് പ്രതീകാത്മകമായ ഒരു രാഷ്ട്രീയ നീക്കമായി മാത്രമാണ് ഇപ്പോൾ കാണപ്പെടുന്നത്.
ചില രാഷ്ട്രീയ നിരീക്ഷകർ ഈ തീരുമാനത്തെ പ്രചാരണ ലക്ഷ്യത്തിന്റെയും സാമ്പത്തിക ഉപയോഗത്തിന്റെയും ഭാഗം എന്ന നിലയിലാണ് കാണുന്നത്. ഈ മാറ്റം നടപ്പിലാക്കാൻ യൂണിഫോം, ഔദ്യോഗിക മുദ്രകൾ, ഓഫീസുകളിലെ ബോർഡുകൾ, രേഖകൾ എന്നിവയിൽ മാറ്റങ്ങൾ വരുത്തേണ്ടി വരും. ഇതിനു ദശലക്ഷക്കണക്കിന് ഡോളറുകളുടെ ചെലവ് പ്രതിരോധ വകുപ്പിന് ബാധ്യതയായേക്കും.
ട്രംപ് നടത്തിയ ഈ പുനർനാമകരണം, നിയമപരമായി സ്ഥിരത ലഭിക്കുമോ എന്നത് കോൺഗ്രസിന്റെ നിലപാടിലാണ് ആശ്രയിക്കുന്നത്. എന്നാൽ അടുത്ത പ്രസിഡന്റ് തെരഞ്ഞെടുപ്പിന് മുൻപായി റിപ്പബ്ലിക്കൻ വോട്ടർമാരെ ആകർഷിക്കാൻ ട്രംപ് നടത്തുന്ന ശക്തമായ രാഷ്ട്രീയ നീക്കമായാണ് പലരും ഇതിനെ വിലയിരുത്തുന്നത്.