കാലിഫോർണിയ ∙ ആർട്ടിഫിഷ്യൽ ഇന്റലിജൻസ് രംഗത്തെ ഇന്ത്യൻ വംശജനായ പ്രമുഖ എഞ്ചിനീയറിംഗ് വിദഗ്ധൻ അമർ സുബ്രമണ്യയെ ആപ്പിളിന്റെ പുതിയ വൈസ് പ്രസിഡന്റായി നിയമിച്ചു. കമ്പനിയുടെ എ.ഐ. ശക്തീകരണ ശ്രമങ്ങൾക്ക് ഊർജം പകരുന്ന നിർണായക നീക്കമായാണ് നിയമനം കണക്കാക്കപ്പെടുന്നത്.
46-കാരനായ സുബ്രമണ്യ ഡിസംബർ 1-നാണ് ഔദ്യോഗികമായി ആപ്പിളിൽ ചേരുന്നത്. വരാനിരിക്കുന്ന ആപ്പിൾ ഇൻറലിജൻസ് പ്രോജക്റ്റുകൾ മുതൽ അടുത്ത തലമുറ ഓൺ-ഡിവൈസ്, ക്ലൗഡ്-അസിസ്റ്റഡ് എ.ഐ. സംവിധാനങ്ങൾ വരെ രൂപകൽപ്പന ചെയ്യുന്നതിൽ ഇദ്ദേഹത്തിന്റെ പങ്ക് മുഖ്യമായിരിക്കുമെന്ന് ആപ്പിള് ഉന്നതർ വ്യക്തമാക്കുന്നു.
ബംഗളൂരുവിൽ വളർന്ന് ബാംഗ്ലൂർ സർവകലാശാലയിൽ നിന്ന് ഇലക്ട്രോണിക്സ് & കമ്മ്യൂണിക്കേഷൻസിൽ ബിരുദം നേടിയ സുബ്രമണ്യ, തുടർന്ന് യു.എസ്.യിലെ യൂണിവേഴ്സിറ്റി ഓഫ് വാഷിംഗ്ടണിൽ നിന്ന് കമ്പ്യൂട്ടർ സയൻസിൽ പിഎച്ച്ഡി നേടി.
ഗൂഗിളിൽ ഏകദേശം 16 വർഷം സേവനമനുഷ്ഠിച്ച അദ്ദേഹം, കമ്പനിയുടെ ജനറേറ്റീവേ എ.ഐ. അസിസ്റ്റന്റായ ജെമിനിയുടെ എഞ്ചിനീയറിംഗ് വിഭാഗത്തെ നയിച്ച വ്യക്തിയായിരുന്നു. പിന്നീട് കുറച്ച് മാസങ്ങൾ മൈക്രോസോഫ്റ്റിൽ കോർപ്പറേറ്റ് വൈസ് പ്രസിഡന്റായും പ്രവർത്തിച്ചു.
എ.ഐ. ഗവേഷണങ്ങളും യഥാർത്ഥ ലോക ഉൽപ്പന്ന രൂപകൽപ്പനയും ബന്ധിപ്പിക്കുന്നതിനുള്ള അദ്ദേഹത്തിന്റെ കഴിവ്, ആപ്പിളിന്റെ എ.ഐ. മത്സരക്ഷമതയ്ക്ക് പുതുഊർജം പകരുമെന്ന് വ്യവസായ വിശകലനകാരുടെ വിലയിരുത്തൽ.